PSE-EE PSOE Socialistas Vascos

Lasarte-Oriako alkate Agustín Valdiviak eta Goizalde Pildain Kirol zinegotziak prentsaurrekoa eskaini dute gaur Atsobakarko kirol-instalazio berrien hurrengo irekiera iragartzeko. Proiektu hau funtsezkoa da gure herrian kirola sustatzeko.

2017an ideia-lehiaketa batekin hasi zen proiektua hainbat etapa gaindituz iritsi da bukaerara. Lanak 2023ko ekainean hasi ziren, 2022an ATSOBAKAR ABEEri (Construcciones Mariezcurrena - Construcciones Zubieder) esleituta. 15 hilabeteko exekuzio-epea beteta, lanak 2024ko urrian amaitu ziren, eta instalazioak martxan jartzeko data datorren asteartea, urtarrilaren 21a, 15:30etan, izango da.

“Guretzat ametsa egia bihurtzea izan da instalazio hauek irekitzea. Atsobakar erreferentziazko gune bat izango da gure kirolarientzat, baina baita elkargune bat ere Lasarte-Oriako herritar guztientzat. Kirolak balioak sustatu ditzan, hala nola, gainditzea, elkarbizitza eta talde-lana. Azken orduko zailtasunak izan ditugun arren, ahaleginak merezi izan du”, nabarmendu du Agustín Valdivia alkateak.

Alkateak azaldu duenez, instalazioak martxan jartzeko atzerapenaren arrazoi nagusia Iberdrolaren kudeaketa izan da, beharrezko potentzia emateko ia lau hilabete behar izan baitzituen. Nolanahi ere, egoera hori konponduta, hamar egunetan instalazioak martxan jartzea lortu da.

“Arazo nagusia enpresa batekin, Iberdrolarekin, horrelako egoeran aurrez aurre aritzea izan da. Monopolioa izanik, ez dago argindarra beste konpainia batekin kontratatzeko aukerarik. Inork ez luke horrelakorik jasan beharko, are gutxiago herritarrei kirol-ekipamendu publiko bat eskaintzeko lan egiten duen administrazio publiko batek”, adierazi du irmoki alkateak.

Goizalde Pildain Kirol zinegotziak, bere aldetik, instalazioen kalitatea eta funtzionaltasuna azpimarratu ditu:

“Azpiegitura hauek ametsa egia bihurtzea dira gure herriarentzat. Orain, lehen mailako espazio bat izango dugu entrenatu eta lehiatzeko. Herritar guztientzako irisgarriak izan daitezen arreta berezia jarri dugu, eta ziur gaude Lasarte-Orian kirol-praktika sustatzen jarraitzeko tresna bikaina izango direla”.

Guztion neurrira egindako instalazioak

Komplexuak klubentzat espezifikoa den gimnasioa du, indar- eta errekuperazio-lanak egiteko. Hasiera batean, Lasarte-Oriako klubentzat bakarrik erabiliko da.

Gainera, honako azpiegitura modernoak nabarmentzen dira funtzionaltasun eta iraunkortasunari dagokionez:

• Kirol-anitzeko zelaia: Errugbia, futbola eta futbol 7 jokatzeko, neurri arautuekin.
  • Errugbia: 110x65 m, gehi 3,5 m-ko bandak.
  • Futbola: 105x65 m, gehi 3,5 m-ko bandak.
• Atletismoko pistak:
  • 400 m-ko 6 kale, lehiaketa nazionaletarako homologatua.
  • Luzera- eta hiruko-salto pistak bi.
  • Pertika eta altuera-saltorako guneak.
  • Pisua, mailua eta pertika jaurtitzeko eremua.
• Argiteria aurreratua:
  • Kontsumo txikiko LED argiak, kanpoko pistetarako argiztapen handiko bost dorre.
• Aldagelen eraikina (1.200 m² solairu bakarrean):
  • Taldeentzako 4 aldagela.
  • Erabiltzaile partikular, epaile eta entrenatzaileentzako 4 aldagela.
  • Errekuperazio gimnasioa eta erabilera anitzeko espazioa.
  • Erabiltzaile eta ikusleentzako bainuak.
  • Kontrol bulegoak eta kirol-ekipamendurako eta mantentze-lanetarako biltegiak.
  • Taberna-jatetxe bat hartzeko gune erreserbatua.

Ordutegiak eta sarbidea

Atsobakarko kirol-instalazioek ordutegi hauek izango dituzte:

• Astelehenetik ostiralera: 15:30 - 22:30
• Larunbatetan: 9:00 - 20:00
• Igandetan: 9:00 - 13:00

Lasarte-Oriako kirol-zerbitzuan abonatuta dauden pertsonek eta Buruntzaldeako (Andoain, Urnieta eta Usurbil) mankomunitateko kirol-zerbitzuetako abonatuek izango dute sarbidea.

Tokiko kirol-klubentzat lehentasuna

Atletismoa, errugbia eta futbola praktikatzen dituzten Lasarte-Oriako klubek instalazio hauetan entrenatu eta lehiatu ahal izango dute. Diziplina batzuetan instalazio bakarra izanik, atletismoari eta errugbiari lehentasuna emango zaie.

Jasangarritasuna eta irisgarritasuna

Eraikinak A energia-kalifikazioa du, eta aerotermiako sistema bat erabiltzen du klimatizaziorako eta ur bero sanitariorako, energia-kontsumo txikia bermatuz. Halaber, oinezkoentzako eta txirrindularientzako komunikazioa garatu da Asteasuain kaletik, instalazioen sarrera nagusira iristeko sarbide errepidez osatua.

Aurrekontua

Proiektuaren kostu osoa 7.201.103,51 €-koa da (BEZa barne), Atsobakar kirol-azpiegitura jasangarri eta eraginkorraren eredu bihurtuz.
Amaitzeko, alkateak eta zinegotziak azpimarratu dute instalazio hauek mugarri bat izango direla udalerrian, eta herritar guztiak gonbidatu dituzte funtzionaltasuna, jasangarritasuna eta kirol-bikaintasuna uztartzen dituen espazio berri hau gozatzera.

Argazkia eta informazioa: Lasarte-Oriako Udala